女子二人組合Krusty昨日到新城電台接受訪問，成員活己嵐表示近日鼻頭生了一粒大暗瘡，更因而破財，她說：「我公司同事成日都同我講鼻頭生瘡會破財，點知我前幾日真係跌咗張三千蚊皮具禮券。」
食凍木瓜肚瀉
而張詠恩（Jan）則透露前晚吃了半個冰凍木瓜後又屙又嘔，阿嵐即表示自己也有肚屙的情況，她說：「我都唔知自己食錯啲乜嘢，今日本來要返公司開會，點知我坐地鐵去到金鐘站已經忍唔住，即刻衝落車去商場搵廁所，嗰一刻真係感覺到要爆出嚟。」
阿嵐笑言與阿Jan同一日肚屙，相信是因合作多時而心靈相通，問到她會否擔心二人愛上同一個人？阿Jan即笑言絕不會發生這種情況，她說：「我同阿嵐一早已經傾過各自鍾意啲乜嘢類型嘅男仔，所以我哋一定唔會愛上同一個人。」
採訪、攝影：李珮洳