陳小春昨日到新城電台接受《粵港越流行》訪問，當記者指他最近甚少被拍下夜蒲的照片，他即時強調自己是與朋友聚會，並說：「我要澄清一次嗰啲唔係叫蒲，唔通你話同朋友去蒲卡拉ＯＫ呀。」
怒罵男子質素差
日前車沅沅於夜店消遣之後，被一名男途人以「陳小春以前條女」及「臭×」來稱呼，小春對此感到十分不快，他說：「我唔理我同阿車之前嘅事，作為朋友同埋同事我一定會維護佢，點會有啲香港人嘅質素咁差㗎，我唔係戥阿車唔抵，反而係戥生嗰個男人個阿媽唔抵，佢真係生嚿屎沖走去當冇生過算罷啦。」小春更笑指會爭取競逐下屆特首，到時會多加一條條例審查香港人的質素。
採訪、攝影：李珮洳