鄭中基的新歡蔡卓妍（阿Sa）和舊愛楊千嬅，前晚在將軍澳演出國慶節目。阿Sa大方表示雖然與千嬅沒有傾談，但不介意合作。而千嬅提到有傳她跟容祖兒爭做台慶音樂節目隊長時，即表示自己要爭氣做好節目，才有意義。
楊千嬅、組合Twins、鄭希怡（Yumiko）、薛凱琪和官恩娜等，前晚在無綫將軍澳電視廣播城錄影節目《香港婦協紫荊吐艷慶歡騰》。鄭中基的新歡蔡卓妍（阿Sa）和舊愛楊千嬅，前晚又再度同場演出，阿Sa說：「唔回應，成日都撞到，大家都係婦女，係女仔都出嚟，不過我哋冇機會傾偈，最近成日都撞到。」
「唔好執着」
問到若有節目要她們同台演出，可覺尷尬？阿Sa說：「主辦單位安排，我唔介意，實有咁嘅機會，大家唔好咁執着。」Twins本月二十一日會到北京舉行演唱會，鍾欣桐說：「我哋搵咗設計師設計一套有中國風格嘅新衫，以型為主，唔好咁玲瓏浮凸。」
最近有傳楊千嬅與容祖兒（Joey）爭做無綫節目《翡翠歌星賀台慶》女歌星隊長，以增加年尾得獎機會，千嬅對此說：「我有聽過，但唔知點解咁傳，或者係因為咁樣寫會增加娛樂性。如果要爭，我就會同自己爭，我要爭氣，同自己比最理想，咁會有意義。我覺得搞番《翡翠歌星賀台慶》係好事，我參加過三年，當時以新人身份參加。Joey都參加，大家可以分工合作。」
避談Ba叔
此外，談到陳達志（Ba叔）因涉及非法挪用公款，被廉署拘捕，千嬅說：「我唔知發生乜嘢事，唔應該講。」
前晚節目原本由沈殿霞擔任司儀，但因她有急事，臨時辭演，要葉麗儀頂替，葉麗儀說：「一早都係搵我做司儀，但係我接咗做國慶晚會，好似冇晒司儀咁，我先推咗，最後肥姐有事，我咪幫佢做番。」
採訪：楊潔雯 攝影：陳慧安
