李嘉欣早前成為內地時尚雜誌封面女郎，以墨綠、黑色等低沉調子新裝示人。嘉欣在訪問中表示自己相信直覺，提到與人相處，因家中曾發生菲傭盜竊案，令嘉欣覺得人性本惡，要有防人之心。
李嘉欣早前登上內地時尚雜誌《WFD國際服裝動態》封面，穿上Anteprima○五秋冬新裝，配搭瑞士Jaeger-LeCoultre腕表拍照，一貫時尚和漂亮。李嘉欣在訪問中大談運動經，她表示愛夏天多姿多采，熱愛曬太陽，又鍾情室內運動。
天生麗質曬唔黑
嘉欣說：「我最理想嘅膚色係黑中帶金、會閃閃發光嗰種，不過我唔容易曬黑，就算搽咗寫住有機會患上皮膚癌、俗稱『黑鬼油』嘅太陽油，都唔夠黑。」
嘉欣又謂喜歡在室內流汗的感覺，最常打羽毛球及乒乓球，她說：「屋企有張乒乓波枱，連埋好專業嘅發球機，出一身汗，感覺好美妙。」
防人之心不可無
提到人性與生活，嘉欣表示家中曾發生菲傭盜竊案，令她一度覺得人性本惡，防人之心大大提高，她說：「畢竟我對個工人幾好，其實，我都想了解盜竊者嘅心理，佢啲戲演得好好。」
不迷信的嘉欣又說：「舉例，每個人都認為一段感情關係最重要係結果，但我認為做事最緊要相信自己嘅直覺，自己決定自己嘅事。」
嘉欣續說：「我對工作上遇到嘅人嘅寬容度好大，對朋友嘅要求就好高，我要求佢哋尊重我，唔理發生乜嘢事都會企喺我呢邊，若果佢哋傷害我，我會好傷心。」