國慶超級黃金周雖然帶挈港商賺唔少，不過就似乎影響咗無綫嘅收視。上個禮拜黃金時段劇集收視全線下跌，向海嵐有份主演《翻新大少》有二十六點（約一百七十萬人），比上個星期跌咗三點，《人間蒸發》跌得重勁，得二十七點（約一百七十七萬人），跌咗六點。向海嵐話：「有啲失望，但嚟緊又重陽假期，希望套劇經得起風浪。」