自從有傳聞話煲呔要倒田之後，自由黨個個黨友都出嚟撐田少，但田少（圖）自己好似未蒲過頭講呢單嘢，果真是沉默是金？有立法會議員話，田少連去珠三角都刻意低調，喺官方場合嘅活動，啲黨魁通常都上最前排同煲呔一齊坐，但田少通常淨係坐後排。
有議員吹水話，堂堂一個代表工商界嘅大黨主席，煲呔都唔放在眼內，講到好似話倒田就倒田，自由黨好似好容易被人操控咁，你有冇見過煲呔叫民主黨換李永達？叫工聯會換走棠哥？叫民建聯換走馬力呢？所以田少呢鋪真係冇晒面。
自由黨喺逆境之下，都好識做，唔少成員馬上表態話支持政改方案喇。𠵱家中央要講和諧，相信煲呔都係過吓口癮啫，點會咁快去郁自由黨。
傳真︰2623-9278
電郵︰[email protected]