理大搞籌款活動，請嚟校友藝人梁詠琪幫手，美聯慈善基金贊助三萬三，即係「翡翠贊助」類別，理大送番一圍晚宴，以及十二張「理大校友之星梁詠琪演唱晚會」門券畀美記。 另一方面，美聯索性搞個業績比賽，嚟處理呢批門券，今個月頭五日，最好數嘅首三名前線及分行主管，每人有兩張飛，喺禮拜四去睇演唱會。咁做對美記呢個黃金周嘅業績又有幫助。