周末印尼峇里島又有恐怖爆炸，估計對股市略有心理影響。股價如果有較大跌幅，可趁低買啲C輪。
交行C輪9249：交通銀行（3328）早前見歷史新高3.525元。隨住建行上市有進一步資料，會以較低PE招股，交行回落到3.10元，近日又升番上3.275元。建行上市，有可能會搶咗啲捧場客，低PE比交行吸引，亦會有交行股東沽股票套錢去買建行，交行回番啲好應該。不過，交行對建行上市已作適度反應，而且嗰市唔係咁易畀人估中，以為交行應該偏淡，交行就係唔跌畀你買。
交行如果再回落，趁低買C輪9249，明年2月初夠鐘，輪價23.4仙，溢價7.3%，槓桿率14倍（有效7.8倍），引伸波幅27.9%。
中銀C輪3641：中銀（2388）近排亦係升唔上去，同建行上市亦有一定關係。短期內，中銀如果再軟些少，又可以候低買C輪，對象係3641。
隻輪明年11月初夠鐘，輪價15.1仙，溢價6.2%，槓桿率10.3倍（有效6.1倍），引伸波幅21.3%。想刺激啲，贏輸都勁啲，則揀明年2月底到期嘅4644。再想賭大啲，則要本月底屆滿的4760。
章盛