近排興撞車，真係要小心。八方聽聞，機管局行政總裁早前北上，同朋友一齊遇到車禍。佢因為有掛安全帶，所以只係撞親個頭，但班朋友就比較嚴重，有人拋咗出車外，有人要用枴杖至行得。
彭總雖然碰親吓，但大家都不敢怠慢。有關方面更特別關照，安排飛機載佢返廣州，再直接送回港就醫，雖然嚇親吓，已經冇乜事。
機管局發言人噚日同八方講，彭總係同朋友一齊喺內地發生意外，唔係好嚴重，𠵱家已經冇乜嘢，多謝大家關心。總之，馬路如虎口，返大陸就更加要小心，睇見噚日博羅單新聞，好得人驚。
傳真︰2623-9278
電郵︰[email protected]