煲呔上日同廣東省省長黃華華一齊見記者，點知喺攝影機前，煲呔忽然下跪，黃省長都愕咗然，特區班小官更加嚇得要死；原來煲呔唔係想向粵官叩頭，只不過因為跌咗個筆筒自己要執番。
事後檢討，呢啲咁突然嘅舉動，喺大庭廣眾梗係可免則免，首先就係畫面不雅，又嚇親貴客；其次大家都唔知點反應，以為有恐怖襲擊㖭！
所以煲呔嘅近身，就要求佢老闆，以後就算跌咗錢都唔好自己去執，只要記住，等開完記者會，叫班馬仔搞掂，反正佢哋跪低記者都唔會理。講開又講，煲呔呢支究竟係乜嘢筆，令佢咁緊張呢？
傳真︰2623-9278
電郵︰[email protected]