近年雖然中美關係唔算好和諧，但係文化藝術嘅交流並無受影響，好似十月中國國慶呢個月，美國搞咗個「中國文化節」，係歷來最大型嘅中國表演藝術盛會，有來自中國各地包括香港，同埋美國近六百個表演藝術家，雲集首都華盛頓嘅KennedyCenter，表演交響樂、京劇、舞蹈、雜技等。
今次呢個盛會係由人稱「大摩」嘅美資證券大行摩根士丹利贊助。大摩近年都同內地有好多合作，好似呢個月招股嘅建設銀行，就係大摩夥拍今年剛好成立十周年嘅內地投資銀行中金，一齊做保薦人。建行相信係今年最大型嘅新股集資活動，睇來大摩都幾識揀，專做最大型嘅活動，無論係文化定係做生意。
傳真︰2623-9278
電郵︰[email protected]