寇鴻萍前晚在其投資的山頂食肆新店，一次過慶祝生日、結婚周年和食肆開業。寇鴻萍大騷價值近百萬元、夫婿梁廷鏘送贈的全鑽腕表，她說：「我話要閃到睇唔到時間嘅手表，佢咪送畀我。」
寇鴻萍前晚在L16山頂新店慶祝四十四歲生日，她透露新店結合中菜與摩登泰國菜，投資過千萬元，裝修兩、三個月，趕及超級黃金周前開業，希望吸引遊客光顧。
以一身粉紅裙亮相的寇鴻萍透露慶祝三合一，她說：「一次過慶祝三樣嘢，我同Patrick（夫婿梁廷鏘）九月二十二號結婚兩周年紀念，我生日就二十六號，同埋慶祝開業，所以好開心。」她又謂將於本月十二日舉行大型派對慶祝開業。
嘟嘟年年送袋
寇鴻萍大騷丈夫送給她的帝后全鑽腕表，她說：「我話想要一隻閃到睇唔到時間嘅手表，佢咪送畀我。生日願望就最緊要身體健康，恩恩愛愛，生意順利。」
前晚到賀的嘉賓包括名模Rosemary、施念慈、吳家麗、鄭明明夫婦和周啟邦夫婦等。摯友鄭裕玲及陳淑蘭則缺席，寇鴻萍說：「嘟嘟年年都送一個袋畀我，寓意盤滿缽滿，今年就送咗個晚裝袋。蘭子因為腳傷，喺屋企休養。」
此外，施念慈謂年底將出書講四角戀，她說：「咁複雜嘅未寫過，我試過同第三者同枱食飯，重有講有笑，後來先知真相。」問她圈中流行同性戀，施念慈謂不能接受說：「做朋友OK，我嘅性取向唔會改變！」
採訪：JessicaNgan 攝影：ChenWaiOn
