女子組合Twins和梁漢文（梁炳）前晚出席髮型屋派對。對於徐濠縈表示有意不設防再「造人」時，梁炳笑言自己間中也會效法；不過問到他的女友可會抗議時，梁炳卻得戚地說：「到佢唔畀咩？」
女子組合Twins、鄭希怡（Yumiko）、吳浩康、梁漢文及黃伊汶等，前晚在中環出席髮型屋Chin.G開業四周年的派對。
三十五歲結婚
已育有一女的徐濠縈，最近表示有意不設防再追多個，問到梁炳可有意效法好友時，他尷尬地謂：「間中啦，我多數會設。」
至於可會擔心女友不答允時，他笑笑口說：「到佢唔畀咩？除非兩個人好有默契完全唔想要BB，先會諗方法避孕；我唔會好抗拒，我個人慢慢長大，都唔會刻意去避，我嘅優良傳統係好體能同好腳法，我希望可以三十五歲左右結婚啦！」
對於娛樂圈名人陳達志（Ba叔）日前遭廉署拘捕，梁炳說：「我同佢暫時冇合作，希望佢冇事。」黃伊汶則說：「Ba叔係一個好多朋友嘅人，我諗佢𠵱家好忙。」
責內地保安
派對上，Twins的蔡卓妍（阿Sa）身穿熱褲到場，她笑言連內褲和打底褲，合共穿了三條褲。提到周杰倫早前在哈爾濱舉行演唱會期間遭自稱公安的人辱罵一事，Twins說：「其實啲內地保安掛住影相，同埋歌迷一齊重混亂。我助手試過被誤會係歌迷，俾人打到條頸都腫晒，所以我哋都鍾意帶番香港嘅保安上去。」
此外，Yumiko表示已獲該髮型屋贊助兩年半，問到她可曾為弄髮型而出問題，她就說：「有次我想拆駁髮同剪短，點知突然接到Mani（霍汶希）電話，佢話幫我傾緊個洗頭水廣告，於是我又要駁番晒啲頭髮囉！」
採訪：藍文浩 攝影：仇志德
