灣仔中環廣場今個月二十九號，舉行「匡智競步上雲霄2005」慈善跑樓梯活動，目的係幫匡智會籌款。參賽隊伍要跑七十五層，共一千六百八十八級樓梯，唔容易。 中環廣場大業主之一嘅新地，除咗借出場地，又捐出錢贊助員工參賽，以及派出義工隊，喺旗下各大商場協助籌款。 新地今次係第二年支持呢個活動，將會派出由七個男女員工組成嘅隊伍參賽。