香港電台宣傳新一輯電視系列《藝行四方》，由上周六起至星期五喺銅鑼灣世貿中心舉辦「登登登櫈：一人一櫈故事」文化實驗活動。
港台好有辦法咁從四方八面搜羅得二十五張甚有特色嘅櫈仔同椅，包括域多利監獄囚犯坐過嘅長木櫈；立法會會議廳內嘅第六十張櫈等，將商場變為一個小型嘅櫈椅展覽館。
主持揭幕禮嘅肥平局長對咁多唔同歷史背景嘅櫈都好感興趣，好想逐張坐下，只可惜以佢𠵱家嘅身形都好難容納得下，卒之佢揀咗張天星小輪嘅座椅，感受吓陸上行舟嘅平靜，唔係好似坐喺佢辦公室嗰度咁風雨飄搖。
傳真︰2623-9278
電郵︰[email protected]