古巨基昨日接受森美挑戰，玩IQ題考智慧，怎料答錯問題，森美遂將「白痴」牌貼到基仔下體，但紙牌不夠五秒便掉下，森美毫不留情地在數百觀眾面前嘲基仔「持久力唔夠」，基仔即反駁「係佢唔接受」。
古巨基昨日在尖沙嘴崇光百貨新店出席「天才與白痴IQ爭霸戰」，現場擠滿數百途人和fans。為配合主題，司儀森美提議玩IQ題，若基仔答中便貼「天才」，答錯便貼「白痴」。
常鑽牛角尖
起初基仔獲fans提水答中題目，隨後卻答錯一題，森美即將「白痴」牌貼到基仔下體，但紙牌不夠五秒便掉下，森美笑說：「你持久力唔夠。」基仔被取笑即反駁說：「係佢唔接受。」之後基仔出題反擊，但卻未能難倒森美，其間森美更扮吳佩慈在MV中跨過基仔兼坐大髀一幕，令基仔哭笑不得。
基仔表示平日愛玩IQ題，他說：「我IQOK，但EQ中等，會成日諗嘢鑽牛角尖，但唔會變抑鬱。」基仔自言對打機最有「天才」，最白癡的是認路，因欠缺方向感。
四歲曾走失
基仔又自爆四歲時曾走失，在銀行內哭個不停，他說：「好彩個職員孭住我搵路返屋企，不過我唔記得係男定女職員，希望係姐姐。」基仔笑言當時見到家人，好像久別重逢一樣。
採訪、攝影：馬建華
