想學好日常英語會話最好在日常英語生活中學習，睇電視、去餐廳食飯、去蒲都留心聽人家講英文，尤其係嗰啲表面上好淺但唔同用法有唔同意思嘅流行用語，唔明即刻問人。
「ColdFeet」並非一對凍腳，而係指面對人生中一些重要決定或關口時所引致的焦慮反應，例如婚前不安、產前憂慮、同居在即而有點不知所措都適用。
「Ditch」字面解作溝渠，但如果係約咗人但又俾人ditch，即係解俾人爽約，放飛機。
去餐廳食飯，夥計攞咗杯冇晒氣嘅可樂畀我，一杯冇氣嘅可樂即係等於一杯黑色嘅甜水，完全唔可以接受，為咗同夥計解釋清楚，不斷㩒電話中的字典，睇吓汽水中嘅氣應該係氧定係氮定係乜鬼？怎知友人施施然地對夥計說了一句：「MyCokeisflat」，夥計登時明白，立即從汽水機斟過兩杯唔flat嘅可樂畀我哋。
有一個電視台名叫笑話台，一日廿四小時連續播喜劇電影、劇集及棟篤笑，大部份節目內容擺明無聊為求得啖笑，該電視台的口號非常精采：「Wastingtimebuttimewell-wasted」，「擺明嘥時間但又嘥得很過癮」，很像我的人生寫照，好句！
最香豔的一個字是「spoon」，字面解作匙羹，但原來從背後擁抱你的愛人這個動作也叫「spoon」。今夜躺在床上，在愛人耳邊輕聲說道：「CanIspoonyou?」然後把她轉過身，一抱入懷，溫香軟玉，最正係唔使兜口兜面對到實，大家有覺好瞓，係咪冇得頂？