前全國政協常委兼大紫荊勳章得主之一嘅莊世平雖然已屆九十五歲高齡，但對時事仍然非常關心，噚日莊老喺港台節目《舊日的足跡》中，大談佢對民主派訪粵感受。
莊老話中央係一片好意咁請啲議員去訪問，希望雙方增加了解；對於前白鴿黨主席馬丁話今次係民主派中招，跌入圈套，莊老話真係莫名其妙，佢覺得中招係好難聽嘅說話，如果做律師嘅人，講呢啲嘢就係「無格」，「點對得住民主黨嘅人？」重愈講愈勞氣㖭。
好彩講到煲呔，莊老就開心好多，佢大讚煲呔做得幾好，有經驗又有魄力，執行基本法應該無問題，又好坦率咁話，煲呔係特首適當人選，香港應該有希望。另一位獲莊老賞識嘅係詩姐，佢話詩姐好勤力，雖然自己唔知佢係咪會提早退休；但如果佢真係退落嚟，莊老話自己覺得好可惜喎。
傳真︰2623-9278
電郵︰[email protected]