如果你想搵部心水靚車，嫌代理車千篇一律無新意，就連水貨車行都睇唔啱車款的話，𠵱家重有一個渠道幫到你手，就係網上競投！現今給予公眾競投的日本版二手車場網站僅得一間，該網站提供的二手車都有當地評級，保證唔會買到「事故車」，最重要係可以投得香港絕無僅有的車款，以後喺燈位停車就唔使怕撞款尷尬啦！
記者、攝影：陳偉林
ImageGirl：Sonia
網上競投有乜好
偶有限量?特別版
據業內人士指出，現時香港經汽車代理商進口的車款數目有限，相對於汽車出產地的日本，每年新車款推出無數，個別重有特別版同限量版推出，因而吸引到唔少本地車迷，以競投方式選購東瀛本土版車。
提供日本評級
有意競投的準車主，可預先查閱到目標車廠的各款汽車型號及版本，重有原車的標準跟車裝備資料提供，以及當地給評定級數的優劣，可有充份時間預算同準備。
提供當地二手底價
每部供競投的東瀛本土版車，負責的當地二手車場均設有底價供參考，準買家可預先盤算心目中的競投車價底線，全部由自己話事，若然投唔到都重有其他選擇。
保證非事故?水浸車
當地二手車拍賣場有嚴格監管，保證所提供的競投車輛絕非事故車（撞車）又或者水浸過的車輛，唔怕上當俾人呃。
有機會競投陳列車
供競投的東瀛本土版車款，既有二手用車又有車廠供陳列用的Demo車，又或者供試車用的Test車，準買家分分鐘可以競投得咪數極低，恍如新車一般的所謂二手車。
網上Bid車過程
1.由專家精挑合適車款
準買家可致電有關負責網上競投的日本車代理商，講出要求車款或型號，事先由有關的專業人員幫你精挑細選合適的車款。
2.取閱心水車資料
準買家可透過電郵或親身上寫字樓，取閱有關預算購買的心水車資料，以及心水車輛在當地的跟車配套，以至該車的競投底價逐一作參考。
3.代辦報關驗車評稅等
準買家找到合意車款後，負責的有關網上競投車商會向準買家申明競投的相約車價，以及代辦運輸、報關、驗車、評稅及收取佣金等數目。
4.熱賣車要提高預算
由於網上競投二手車，最終會以價高者得為取決方式，若然你想競投的車款屬當地熱賣車的話，或許你要將預算的投標價定高一點，方有較大勝算。
5.約4-5星期攞車
當投車的有關手續完成後，投得的車輛會以海運形式送港，赴運期連到港驗車等手續需時約四至五個星期左右，準車主便可以從代理商手上取得用車。
Bid車實錄
真實個案：投得罕有Wish
有朋友因為屋企需要，想搵部七座位家庭式MPV車代步，但睇勻一眾代理車同水貨車款，唔係款式唔啱就係車價唔合心意，最後經朋友介紹，搵嚟本地一間有名專營網上汽車競投的公司。雖然經佢哋網上競投的東瀛本土版車，不過係二手車而已，但就勝在車場有嚴格監管，全數二手車貨源多，質素重有保證，加上以明碼實價競投，得失與否又唔使收手續費，於是決定搵該公司負責人Albert幫忙，估唔到個半月，就有部新車一樣的Wish做座駕，全車跟埋SportPackage，屬香港稀有品種。
攞車後Check車7招
本土版設備更勝出口版
過往唔少人話日本版車的驗車標準跟香港版唔同，個別型號重因為本地代理無引入，維修難有零件更換，令唔少人對日本版車有所顧忌。但事實卻有好大出入，原來同一款日本車分有本土版同出口版的話，一般設備上都係本土版遠優於出口版車，個別屬於偏凍地區的特別型號，例如北海道地區的車款，更在出廠前特別強化防潮同防水配套。
再者，唔少車廠為要簡化製作同降低成本，唔少出口版車除外形或許跟本土版有分別外，基本配套可謂如出一轍，而各個車系之間重有唔少零件可以互用，唯一有大不同或許只剩番黑玻璃同收音機頻率的差異咋！
Wish香港罕見裝備
專家Tony教睇「正型」車
雖然現在透過指定網站競投日本本土版二手車質素有相當保證，但筆者亦請來從事汽車改裝業務的TonyWoo，教你睇清楚一部車是否「正型」。
Check陣嘴是否移位
最好梗係將部車唧高詳細睇，但簡單啲可以睇清楚陣架最前端的陣嘴，有否唔對稱或曾移位的痕迹。
沙板螺絲位是否對稱
打開引擎艙蓋，留意兩旁用以繫緊車頭沙板的多顆螺絲位，是否有移位又或者有唔對稱的痕迹留低，前懸掛塔頂位置會否有非原裝車的補灰、補油痕迹。
沙板是否緊貼前泵把
觀察車頭一對大燈及尾燈框邊，有否跟兩邊沙板同前泵把靠貼，會否有曾撞車移位過後翻修的迹象。
揭起尾廂地氈有否翻新過
打開車尾廂，再揭起地台的地氈，觀察下底盤四周地方，又有否撞車事故後翻修過等異樣。
安全帶有出廠日期
東瀛本土版車的三點式安全帶扣內，會各自有出廠日期，若換裝過就唔會再有新車出廠記錄。
自動車（亞洲）有限公司
地址：灣仔港灣道1號會展廣場辦公大樓1503室
電話：25252109
網址： http://www.at1000.com