郭富城昨日於尖沙嘴崇光百貨公司舉行《郭富城舞台寶典雙部曲演唱會》影碟簽名會，據知首五千隻限量版影碟推出一日已經售罄，而原價百多元的DVD更於網上熱炒。
歌迷即場獻唱
由於本月底是城城生日，在場多位歌迷即場獻唱生日歌，問到城城當日會怎樣慶祝時，他表示可能會到迪士尼公園慶祝，但當記者指若包場開生日會的費用十分昂貴，他卻笑說：「咁我去海洋公園啦，其實我覺得香港兩個主題公園都要支持。」
再問城城為何於迪士尼公園開幕時不到場支持？他續說：「我個心支持咗啦。」雖然早前有不少藝人批評迪士尼職員態度差，但城城則表示：「我希望佢哋當我上賓咁招待，如果唔係我就去海洋公園，我覺得迪士尼會有改善，而且佢會帶動香港旅遊業，大家要珍惜，唔好倒自己米。」
採訪、攝影：李珮洳