鄭秀文（Sammi）前晚到戲院與包場捧《長恨歌》場的fans會面，對於被內地媒體批評她在片中表現不出風情一面，Sammi表示會判斷是善意還是惡意的批評，又解釋其角色着重內心戲，而不是扮演風情萬種的女子。
鄭秀文主演的電影《長恨歌》前日開畫，首日票房只收二十四萬，前晚Sammi一班fans於奧海城戲院包場捧偶像場，Sammi與導演關錦鵬待fans看戲後，進場跟他們傾談。
將赴大學座談會
Sammi接受訪問時表示很久沒見香港歌迷，問她怕不怕歌迷會提出尖銳問題，Sammi說：「fans就梗係我做乜都鍾意㗎啦，我遲啲要去香港大學出席座談會，我都想喺其他大學有呢啲座談會，可以交流吓。」問她不怕被問有關戲中床上戲的問題嗎？
Sammi說：「預咗，場戲都唔激，得咀同攬咋，不過對住啲大學生，我可能會緊張啲，佢哋可能會問埋拍攝手法，好電影嘅問題。」
《長恨歌》未能代表香港競逐奧斯卡提名，Sammi表示沒有失望，她說：「邊套戲出線都係好事，我希望多啲人畀意見。」至於有內地傳媒批評Sammi在戲中表現的風情不及其他女演員，她解釋說：「我接受所有人嘅意見，但我識分邊啲係善意同惡意，我同導演嘅理解係，我角色重點放喺內心戲度，唔係要風韻，係講內心世界同點樣處理感情。」
望演西式舞台劇
提到有傳李進欲找梁朝偉與Sammi合作《倩女幽魂》舞台劇，Sammi說：「八年前佢（李進）做我經理人時，已經聽佢話想搞，我鍾意西式嘅舞台劇多啲，不過如果有機會合作，我都想做。」
至於男主角方面，Sammi謂：「偉仔做舞台劇俾人新鮮感，不過我覺得華仔（劉德華）做寧采臣都好好，佢唱歌OK嘛。」
對有雜誌指Sammi鬼剃頭要駁假髮，她說：「我呢啲真髮嚟㗎，邊有駁髮呀，啲雜誌一年有二百六十七日都誤解我㗎啦。」
採訪：胡比 攝影：陳慧安
