由李心潔主演，彭氏兄弟出品嘅《見鬼》，深受觀眾歡迎，李心潔亦憑住呢套電影勇奪香港金像獎最佳女主角，《見鬼》聲勢一時無兩，連荷李活巨星湯告魯斯對呢套戲都刮目相看，買咗《見鬼》版權，想改拍成西版《TheEye》，點知版權一買三年，每次都係只聞樓梯響，一直都冇落實拍攝日期，就連會搵邊個做呢套荷李活版《見鬼》都冇人知。
《凶鈴》導演揸弗
但日前派拉蒙電影公司就正式有公布，話已經搵到適合人選拍《TheEye》，佢就係憑住《亂世情天》攞奧斯卡最佳女配角嘅雲妮絲惠嘉做女主角，而《午夜凶鈴》導演中田秀夫就會獲邀執導，《見鬼》喺香港咁受歡迎，李心潔個角色又夠發揮，攞到最佳女主角，唔知雲妮會唔會一樣咁勁，可以憑住《TheEye》問鼎奧斯卡最佳女主角呢？