亞姐昨日再穿上泳裝見評判，韓國佳麗5號洪仁穎出場時風騷擺出多個誘人甫士，越南佳麗18號康夏欣大騷腰背的紋身，而評判王晶對於大胸佳麗毫不留情地批評，指她們「麻麻哋」，更謂身材太勁反而不利選美。
十八位《2005年度亞洲小姐競選》候選佳麗昨日在黃埔海逸酒店以泳裝及晚裝，會見包括石禮謙、楊傳亮、司徒偉及陳煒等大會評判團。亞視和一網站合辦了一個「網上最受歡迎亞洲小姐」大獎，結果冠軍為5號洪仁穎、亞軍是3號楊柳青、季軍則是本地薑1號蔣偉妮。
難掩真材實料
十八位佳麗再次穿上泳裝示人，來自中國撫順的6號翟湘萍「波霸」依然響噹噹，她穿上泳衣出場時波濤洶湧，令評判團大飽眼福，王晶更看得笑笑口。而楊柳青昨日所穿的泳衣卻將胸部包得密密實實，但仍難掩真材實料。而來自韓國的洪仁穎身穿紅色比堅尼現身，出場後她自如地擺出誘人甫士，但下體卻明顯現形。
陳煒欣賞過佳麗後坦言大開眼界，而王晶被問到對波霸翟湘萍印象時，他說：「麻麻啫，身材太勁，女性評判反而會減分，蝕底咗，我認為平均比較好，情願平胸腳長，着衫會靚好多，大胸着乜衫都唔好睇。」
佳麗飛龍纏腰
越南佳麗18號康夏欣腰背下有一飛龍紋身，她透過繙譯說：「因為我仰慕中國文化，所以三年前喺馬來西亞紋咗呢條飛龍，覺得係一種藝術。」亞視高層葉家寶表示大會接納不同國家文化，不會影響參選。
採訪：卓寶花
攝影：仇志德
