西九龍一帶，自從賣地後成為市場焦點。信和集團喺區內嘅新盤一號銀海，可以話食正呢個賣地效應，即時開盤。賣樓負責人韓家輝講，用咗八千萬豪裝四個示範單位兼售樓處，今日正式開放。
呢個新盤，發展商自己喻為集團發展超過五十年地產項目以嚟最豪華一個，日後會所放置一個價值八十萬，全港得一個嘅LV雪茄皮箱。
代理急不及待，聽聞，噚晚最少有十伙以預留方式賣出，呎價介乎九千八百至一萬二千蚊。第五座三十八樓二千四百四十六方呎相連戶，傳以二千九百三十五萬賣出，呎價一萬二千蚊。同座頂樓連私家泳池嘅「銀海獨立屋」，聞說有人出價每呎一萬六千蚊傾緊，不過，發展商好似至少兩萬蚊至賣。
電郵地址：[email protected]