應屆港姐葉翠翠、陸詩韻、林莉和鄧上文等人，昨天在天水圍出席「防止山火暨保護濕地宣傳日」，她們更在消防員指導下，認識消防員使用的山火拍和滅火喉等，很多消防員也爭相與港姐們合照留念，當中以鄧上文最受歡迎。葉翠翠的父親身為消防員，作為女兒的她一直也覺得父親很英勇，她說：「爸爸做咗消防員好多年，我成日迫佢講好多救火嘅經歷畀我聽。」
選男友最重人品
另外，葉翠翠表示自己小時候的志願是做消防員，她說：「雖然爸爸冇特別要求我做消防員，但係細個真係諗住做呢一行。但係發現我體能唔好，我一下單槓都做唔到。爸爸重笑我，話睇我呢個志願可以維持到幾耐。」此外，問到港姐們會否挑選消防員任男友，她們異口同聲謂選男友不分職業，最重要是人品和性格。
採訪、攝影：王連連