由張栢芝、謝霆鋒（圖）同真田廣之合演嘅新片《無極》前晚喺成都舉行首映。《無》片十二月先喺香港上映，為咗防翻版，電影公司喺入場時好嚴密檢查，持戲飛嘅觀眾如果同登記嘅名唔符合，都唔可以入場。《無》片總製片人韓三平代表《無》片劇組感謝觀眾入場，希望大家鍾意陳凱歌同陳紅夫婦花咗三年時間去拍嘅結晶。