成龍前晚出席電影公司安排的《神話》慶功宴，但他對票房成績並不滿意，因相比韓國電影動輒二、三千萬美金的票房，相差甚遠，成龍又痛罵香港人不夠團結，因此他可能很快退休。
成龍主演的《神話》在亞洲地區票房達七千萬，前晚他與唐季禮及譚耀文等在紅磡為新戲《神話》舉行慶功宴，筵開十二席，眾人舉行破冰儀式，希望票房能突破一億。成龍在席上談到票房成績時說：「我唔開心，有乜嘢好開心？今日唔係慶功，係慰勞宴，我哋連人哋韓國電影嘅零頭都冇，人哋閒閒哋都收二、三千萬美金，人哋民族性強，香港就令人好傷心，未夠團結呀。」
慨歎各自為政
成龍又謂曾與曾志偉商討開拍一部眾華人巨星合拍的電影，如多年前的《豪門夜宴》，他說：「點知有人同我講，話『唔使啦，我同佢就得喎』，咁嘅說話都講得出，咁樣各自為政，我只想團結，再係咁，我好快就退休。」成龍憑《新警察故事》競逐亞太影展的最佳男主角，還是大熱人選，他說：「邊個得都冇所謂，有又開心，冇又冇所謂。」
《花木蘭》拍雙語版
另外，唐季禮表示稍後將開拍電影《花木蘭》，但與楊紫瓊的不是同一部，他說：「我係外國投資，會搵番中國人做，有英文版同國語版。」對於有傳藤原紀香將結婚，唐季禮謂他們合作《雷霆戰警》後已沒聯絡，假如消息是真的，他會致電道賀。
採訪：馮美茵 攝影：葉君海