瑞典足球隊大家睇得多，瑞典皇儲相信大家就未必見過。正在本港訪問嘅瑞典皇儲維多利亞公主，噚日去到赤柱參觀香港海事博物館。為一睹公主嘅風采，唔少住喺香港嘅瑞典僑民，一早就到場準備好國旗同花束，歡迎公主，同佢握手合照。
其實維多利亞公主今次訪港重有一個任務，就係為下年底嘅大型展覽揭開序幕，一艘仿十八世紀嘅瑞典東印度商船建造嘅「哥德堡三號」，下個禮拜就會啟航去中國，並喺下年底駛到赤柱。呢艘船來頭絕對唔簡單，足足用咗一億美元（即約為七億八千萬港元），花咗十年時間先造好！
傳真︰2623-9278
電郵︰[email protected]