向海嵐自跟M8高層男友分手後，其感情生活備受關注，最近更被周刊拍到跟保險公司高層Eric約會，報道指二人拍拖同遊超市，事後向海嵐連聲否認，日前又有報道指Eric是梁佩瑚的前男友。
向海嵐昨日拍攝劇集《上海傳奇》時被問及此事，她說：「我同Eric四年前已經識，佢嗰時係梁佩瑚男朋友，梁佩瑚去咗加拿大之後，大家都冇聯絡。最近梁佩瑚返香港，大家先見番面，所以大家係普通朋友。」
「好多嘢話唔埋」
向海嵐又表示在加拿大讀書時，亦有朋友喜歡跟朋友的前男友拍拖，她說：「有啲朋友就係鍾意咁，之後重結埋婚，我就未必得，因為啲關係太混亂，唔係咁好，不過好多嘢話唔埋，都要睇人哋分手原因，如果分手分到拆天，咁樣同佢男友一齊，真係連朋友都冇得做，咁樣我做唔到。」
採訪、攝影：楊潔雯