噚日係「公益金便服日」，上班一族若果肯捐公益金，就唔使着制服返工。美聯集團都有響應，聽講有百幾人參加，人數比舊年多三倍。美善會會長林鳳芳表示，今年已經係美聯第五年參與呢個活動。 每年九月舉行嘅公益金便服日，上班一族只要捐五十蚊或以上畀公益金就可以參加。籌到嘅款項，公益金會用喺家庭及兒童福利服務。