青衣青康路公屋長康邨康順樓地下街市一家糧油食品店，儲物室天花板早前突然有水湧出，但管業處半日仍未能找出有水湧出原因及進行維修，令店舖水浸，貨品盡濕，蒙受嚴重損失。
糧油食品店負責人林先生投訴稱，他在街市經營糧油食品店多年，一直相安無事，上月二十一日清早，他突然接獲街市管業處人員通知，其店舖水浸，他馬上趕返店舖察看時，發現店內儲物室內滿目瘡痍，他登時大嚇一跳。
儲物室貨物盡濕
「朝早六點幾嗰陣有人通知我，話舖頭有問題，我即刻返去睇，見到舖頭個儲物室入面，不斷有水湧出嚟，我即刻開閘入儲物室睇，見到成地係水，有成三吋高，儲物室閣天花板不斷有水湧出嚟，放喺儲物室啲貨，好似罐頭、麵餅、雞蛋咁，大部份濕晒，我要即刻將啲貨搬出嚟，好多都浸壞咗，重搞到亂七八糟。」
朝早生意少三成
林先生稱，他將貨物搬離儲物室期間，水仍然不斷湧出，他向管業處職員查詢，表示要通知房屋署派人處理及决定如何維修。
「睇住啲水係咁湧出嚟，佢哋成朝一啲辦法都冇，無法找出有水湧出原因，啲街坊見到我哋咁都少幫襯，朝早生意少咗三成。」
本報記者接獲林先生投訴，當日下午三時到糧油食品店查察，見儲物室天花板仍不斷有水流出，管業處及房署均有派職員到場，但仍未能查知水的來源，亦未展開維修工程。
長康邨街市已由領匯管理有限公司管理。領匯跟進本報轉介投訴後回覆稱，長康邨康順樓地下街市該租戶，同時租用毗鄰儲物室，經查證後，確定是儲物室內有一段食水喉管破裂，引致漏水，已立即安排維修。
輸水管破裂所致
領匯公司稱，管業處於當日凌晨約三時發現儲物室有水流出，即設法聯絡租戶，直至早上約六時，成功與租戶接觸；租戶到達現場，管業處立即協助將貨物搬到另一個儲物室。
領滙並稱，對於管業處積極協助，租戶表示感激，事後來函嘉許。
（○九二四○七九）
服務熱線
電話：29908288
傳真：23702192
電郵：[email protected]