李雨陽最近與蒙嘉慧、曹永廉趕拍無綫電視劇《法證先鋒》，上周他趁未正式開工前帶公公和婆婆去了香港迪士尼鬆一鬆，原來李雨陽一直希望能和兩老去外地遊玩，但卻未能抽出時間，故他就趁今次香港迪士尼開幕，和兩位老人家去遊玩。
樂而忘返
迪士尼自開幕以來，屢遭投訴，但李雨陽的公公婆婆當日卻玩得十分高興，他說：「我婆婆雙腳有問題，入場後我第一時間去租輪椅，免得佢行路辛苦，點知坐咗一陣，佢就嚷着要落地行，公公重厲害，入場後就一支箭跑到機動遊戲前擺甫士影相，睇見佢哋咁高興，我都好開心。」
對於有人認為香港迪士尼是袖珍版，但李雨陽卻認為：「地方細都有好處，因為我完全冇睇過地圖，邊參觀邊玩，所有遊戲我都玩過晒，一啲都唔覺得攰。」