無綫清裝劇《滙通天下》昨日在將軍澳電視廣播城試造型，出席演員有陳豪、郭羨妮、馬浚偉（馬仔）及袁彌明等，馬仔還即場剃光頭。
免費做助手
郭羨妮與馬仔年前曾傳出不和，今次再度合作，郭羨妮說：「我冇所謂，大家都係做嘢，又係同事。」馬仔則說：「冇避忌，隨時可以入戲，唔會考慮對手。」
有份演出《滙》劇的陳鴻烈大爆陳豪早前於銀川拍攝劇集《火舞黃沙》時，獲內地高官女兒投懷送抱，免費做其助手，更形容對方好像蜜蜂一樣叮實陳豪；又指陳豪是「電話王子」，必定有「電話公主」云云，令在旁的陳豪即時面紅耳赤，要脫下帽子抹汗。
陳豪解釋說：「嗰個女仔當攞吓經驗，講明唔收我錢，後來我送咗套運動裝畀佢；講電話只係同阿媽、阿哥講，你哋唔好聽烈哥（陳鴻烈）嘅流言。」
採訪：卓寶花攝影：葉君海
