葉璇近日趕拍王晶新劇時，乘坐由司機駕駛的豐田Alphard豪華七人車開工，同款豪華Van劉德華和黎明都擁有。原來葉璇以五位數字月租這部豪華Van開工用，更考慮稍後添置一部自用。
葉璇七月中加盟經理人公司紅館時，花約六十萬購買了一部簇新平治跑車獎勵自己，不過近日她趕拍王晶新劇《情陷夜中環》時，卻乘坐由司機駕駛價值約四十多萬的豐田Alphard大型豪華七人車開工。
圈中不少巨星如劉德華、黎明和劉嘉玲都擁有同款豪華Van，這部車的優點是車廂寬敞，葉璇日前說：「早排同阿澤（杜汶澤）食飯，食完飯大家分別去攞車，阿澤見到我架車，猛話要過嚟參觀，佢重話華仔同林生（林建岳）都有呢架車。我嗰時先知咋，我都唔睇八卦新聞嘅。」
請司機接送
葉璇表示這架車並非她擁有，她說：「係同車行租嘅，拍《情》劇成日都日接夜，夜接日開工，瞓都唔夠時間，點夠精神開車，加上清水灣片廠都唔夠車位，根本冇可能自己揸車開工。朋友介紹我租車，我一睇就好鍾意，決定租三個月，都唔算好貴，月租約五位數字。」
不用埋位，葉璇就躲在車廂休息或閱讀劇本，她很喜歡這部保母車，葉璇說：「我問過車價都唔算好貴，我都考慮想買一部開工用。」
相思灣談情
此外，葉璇和黃浩然日前在相思灣拍攝《情》劇一場談情戲，二人演情侶在沙灘談情。葉璇說：「我同浩然合作得好開心，佢好好戲，所以大家都拍得好投入。」
採訪、攝影：比華利
