李珊珊前晚以一襲超低胸短裙出席活動，展現豐滿酥胸，將同場的滕麗名及伍詠薇都比下去。珊珊表示如此性感裝束不用事先得男友錢嘉樂同意，沒有人能阻止她如此打扮。
李珊珊、伍詠薇及滕麗名前晚齊出席「Girl'sbestfriendAwardPresention」，三人獲頒「最有女人味大獎」，滕麗名以吊帶短裙示人，但李珊珊一件超低胸裝極搶眼，盡騷豐滿上圍，成為全場焦點。
落重本搏到盡
李珊珊表示是尊重場合才作此打扮，問她有否事先讓男友錢嘉樂過目，珊珊說：「我着呢件衫冇人可以阻止到，唔使經佢同意，我買時咁落本，係唔會理任何人。」提到珊珊以往衣着較密實，最近愈來愈開放，她說：「冇計，我𠵱家係代言人，要做番啲嘢，我覺得今日個品牌都騷到我身材。」
李珊珊又謂身上的毛毛小外套不是真皮草，問到是否因為支持愛護動物協會，珊珊說：「我不嬲唔着fur，都唔會買，只係𠵱家興毛毛，我先披番件，咁先跟得上潮流。」
滕滕細菌感染
滕麗名之前手部遭玻璃𠝹傷，內外共縫了五十針，可能因細菌感染，曾發高燒至一百零四度，所以要留醫兩天，她說：「我今日係喺醫院走出嚟㗎，魏駿傑唔喺香港，佢緊張到想即刻返嚟呀。」
另外，伍詠薇表示她已三十多歲，各方面保養得宜全靠勤做運動及瑜伽，她說：「如果有個獎係講香港女性最羨慕嘅女性，我就最想得呢個獎。」
採訪：楊潔雯 攝影：何榮亮
