近年西九龍主要屋苑價格愈跑愈勇，明顯贏咗港島東，中原統計，截至周一，奧運站五大屋苑，二手呎價五千一百六十二，比港島東五大高逾八巴仙。
唔單止咁，西九樓價九個月升十三點七巴仙，比港島東多三點三百分點。好似大角嘴維港灣，呎價三季升一成九，至五千四百七十五，相比之下，最勁嘅北角城市花園，只升十二點二巴仙，至四千八百九十五。
西九龍區屋苑嘅樓價，舊年底只係比港島東高出五點五個巴仙，之後，差距就愈嚟愈大。大家要留意，呢啲數字，重未反映日前賣地嘅刺激作用，中原就估計，日後兩區樓價嘅距離會進一步拉闊。
電郵地址：[email protected]