又到月尾埋數，辛苦咗成個月，終於見到張成績表。 率先公布成績嘅係中原，執行董事陳永傑話，今個月截至噚日，中原住宅部嘅營業額，有一億二千萬，比上個月同期多咗兩成半，條數重未計將軍澳都會駅、上環聚賢居及深井碧堤半島三期嘅佣金。計計埋埋，成個月應該有一億五千萬，比上個月多五成。 生意咁好，難怪佢自己近期都變咗大好友，買咗都會駅及聚賢居投資。