資深港區人大代表吳康民最近出咗本新書，將佢過去發表過嘅論政文章結集，重搵咗同左派有啲疏離嘅特首煲呔寫序。
煲呔喺序文中大讚康民叔，成日有「言人之不敢言的深刻表白」，同埋「別出新意的獨到見解」，唔會畀人有言論左傾嘅形象。
好多官同愛國愛港人士都捧場出席新書簽名會，包括律政司司長梁愛詩、行會成員梁振英同教統局常任秘書長羅范椒芬。康民叔話，七月見煲呔嘅時候，順便請煲呔寫序。出得書梗係希望多啲人睇，佢笑話如果讀者覺得本書寫得曳、唔值得讀，都要睇吓煲呔篇序。
傳真︰2623-9278
電郵︰[email protected]