文頌嫻稍後會到內地拍攝古裝劇，要在內地過冬，一向怕凍的她笑言幸好身形夠纖瘦，屆時可以多打幾層底亦不怕穿崩和臃腫，不過她原來一直嫌自己胸部太細，希望有機會拍攝豐胸廣告。
文頌嫻近日簽約新經理人「漢星藝人事務所有限公司」，稍後她便會返內地逗留三個多月，拍攝一齣古裝劇，因要在內地度過嚴冬，所以一向怕凍的她笑言起程前必定會做足禦寒措施。
文頌嫻天生身形瘦削，體重僅及一百磅，她說：「好彩呢次返內地係拍古裝劇，我咁瘦嘅身形，可以狂打底，着多幾件羊毛衫，咁樣出鏡都唔怕太臃腫。」
購備糧食傍身
文頌嫻見經常有報道指內地食物不符合安全標準，故此行更會購備大批糧食傍身，以備不時之需。
問到文頌嫻可滿意自己的身形時，她說：「各部份都OK，唯一唔滿意就係嫌自己個胸太細，我都好想大啲，咁樣着衫就會好睇啲。大家成日都話我好瘦，但其實我嘅手手腳腳都幾好『肉地』，上鏡就啱啱好。」
太大又怕誇張
文頌嫻更笑言恨拍豐胸廣告，她說：「如果真係有效，我都唔怕試，有時我着起晚裝都『晾』唔起件衫，但如果大到好誇張，我又唔係好想。」
採訪：比華利 攝影：何榮亮