法國名牌Chanel昨日在柴灣舉辦手袋展，示範模特兒之一的李嘉慧帶病上陣，她透露參加了耳燭瘦面療程，早前卻遇上技術差的師傅，致耳水不平衡，要經常吞口水，與人溝通時反應變慢。
法國名牌Chanel推出全新的「NewMademoiselle」手袋，新系列靈感來自CocoChanel一個六十年代的經典手袋，以未來色彩與風格重新演繹經典，以黑、灰兩大色彩為主調，配以羊仔皮及條子車線裝飾。
「做訪問都慢啲」
昨日Chanel在柴灣舉辦手袋展，請來名模李嘉慧、LisaS.和陳嘉容示範，李嘉慧一臉倦容，她透露耳水不平衡引致不適，她說：「我幾年前開始用耳燭瘦面，一直冇事，近排可能轉咗師傅，手勢唔好，啲蠟入咗耳，搞到耳水不平衡。」問李嘉慧可會頭暈、嘔吐？她說：「唔會，但係成日要吞口水，𠵱家對答、做訪問都慢啲。」
LisaS.則透露會越洋向今日生日的男友吳彥祖（Daniel）唱生日歌慶祝。提到陳可辛導演的《如果．愛》成為競逐奧斯卡「最佳外語片」入圍資格的出線港片，打敗了關錦鵬的《長恨歌》與成龍的《神話》，而LisaS.的男友吳彥祖有份主演《長》片，她大表失望及惋惜說：「Whatashame！呢套片好有中國傳統美學，外國market一定鍾意。其中有一幕Daniel踩單車，啲內心戲做得好好，我都睇到眼濕濕。」
妒忌增加皺紋
吳彥祖在片中與鄭秀文有一場床上戲，問LisaS.睇戲時可會呷醋或難受？她說：「工作啫，我係model都會影啲性感、浪漫嘅相，我唔會妒忌或者唔高興，否則皺紋好易增加，同埋男人係鍾意大方嘅女人！」
採訪、攝影：RitaLeung
