黃伊汶（Emme）、陳苑淇、谷祖琳、名模樂基兒和LisaS.等，前晚齊齊為時裝品牌行騷，眾女鬥性感，谷祖琳更大爆倪震裸照擺上網及她在家中赤裸周圍走等敏感話題。
黃伊汶（Emme）、陳苑淇、谷祖琳、名模樂基兒和LisaS.等，前晚在九龍塘又一城出席「Kookai2005秋冬時裝表演」，眾人穿上低胸透視的性感裝束，十分誘人，尤其Emme「谷胸」上陣，大為搶鏡。
「嚮往冇Bra的日子」
對比起來，一向身材豐滿的谷祖琳則略為遜色，她說：「我戴咗個薄胸圍同貼埋乳貼，唔怕『飛釘』，不過我覺得凸點幾性感，我好嚮往唔戴bra嘅日子，我有時喺屋企都會除晒衫，梗係拉埋窗簾。」
谷祖琳更大爆倪震向她展示放在網上的裸照，他的重要部位被愛貓遮着，谷祖琳說：「張相裏邊倪震好瘦，好似人體奧妙展，倪震成日哦我，叫我又擺張上網。」谷祖琳前晚即席致電倪震，轉告記者有意刊登該照片時遭拒絕，事後記者在《絕情谷》的網頁上發現照片已被刪除。
台上自然台下密實
此外，Emme先打頭陣亦負責壓軸騷，她穿着跌膊衫出場時鞋帶卻爛了，但卻沒影響她的表現，壓軸時穿上低胸透視裝，行騷後，她立即披上披肩防走光，Emme說：「頭先行騷盡量着得靚啲，我有身材，我係人嚟㗎嘛，總之畀人靚嘅感覺就得，令到線條最好睇，我做足安全措施，冇谷胸。」
問到Emme在後台更衣時，與其他女模是否玉帛相見，她說：「我有見到啲模特兒換衫，但我哋藝人就各自一間房。我全程由助手幫我換衫。」穿上短裙行騷的樂基兒，在台下卻不慎春光乍洩，當她發現時即時以手按着，更以笑遮醜。
採訪：駱華齡 攝影：陳志嵐
