今年國慶叫做「超級黃金周」，聽日就開始喇，煙花大滙演打頭陣。每逢放煙花，維港兩岸的餐廳例必爆滿。有璀璨煙花，加埋美食更完美。想一次過滿足兩個願望，今日最後召集，馬上訂枱！
記者：梁學文 攝影：陳陶鈞
Models：Tommy、Lapmon、Ada、Fanny、Yuki、C.Chau（TheGroup）
會景LiveKitchen即叫即做
位於灣仔會展6樓的會景餐廳，在國慶夜提供自助晚餐，有中式、日式、西式和印式等等，共超過一百款美食。菜式絕對唔馬虎。食物的造型和賣相，是由全港身價最高的華人食物造型師阮錦鴻先生負責，相當精緻，當中日本菜夠特別。另外，這裏更有多個「LiveKitchen」攤位，師傅即叫即做，保持食物的新鮮度。
在會展的六樓，近窗邊的位置，毋須走來走去也可以看到煙花。六時半入座，吃至九時差不多吃甜品，就可以一邊欣賞煙花，一邊細嘗美食。如果嫌坐在室內舒適但欠現場氣氛，餐廳已特地在金紫荊廣場預留了位置，只讓會景的客人進內觀賞煙花。
日式扒大蝦
招牌菜之一，由師傅在攤位即叫即做。選用每隻八、九吋長太平洋虎蝦，即點即煎，保持了新鮮度。入口彈牙啖啖肉，跟日式海鮮汁味道更佳。
龍蝦濃湯
國慶夜特有的西式餐湯，選用十公斤龍蝦殼和龍蝦頭，熬足四個鐘，湯身較稠。上碟時加些少忌廉，增加滑溜口感。
舞茸菌天婦羅
日式天婦羅有蝦、魚柳、日本南瓜等，當中最特別的是舞茸菌。一般天婦羅較少用到，原因是成本高。天婦羅外面脆，內味濃，再配以蘿蔔茸汁，推介！
泰式咖喱蟹
各款泰菜均由正宗泰國師傅做，風味正宗。泰籍師傅選用足12両的肉蟹，好肉夠大隻。咖喱蟹入口辣辣哋，肉質鮮甜好惹味。
芝士白汁焗美國珍寶蠔
美國珍寶蠔夠大隻，夠晒蠔味。加入白汁和芝士再入爐焗，讓蠔吸收到芝士的味道，增加珍寶蠔的口感和味道。
會景餐廳（25827250）
時間：6:30pm-10:30pm
收費：$468（成人），$328（小童）
地址：灣仔會議展覽中心六樓 座位：350個
泊車：凡惠顧均可享有免費泊車
映月樓食得獎菜式
在尖沙嘴，最近睇煙花位置的中菜廳非映月樓莫屬。映月樓共有兩層，於二樓近窗位置就能飽覽維港的景色。映月樓有16年歷史，至上月中進行大翻新，重開後連擺設或家具也是新的。菜式較傳統，更有多款在美食比賽中得獎的菜式可供選擇。
川式農家焗蟹$78
用足十二両的肉蟹做焗蟹，加入榨菜粒、欖菜粒和牛𦟌粒。用榨菜和欖菜粒燜蟹，有農村風味外又好惹味。焗蟹入口帶辣，蟹肉入口味濃且鮮甜。
車厘小丸子$68（例）
必試菜式！用墨魚膠和燒賣餡包着車厘茄，咬下有一種爆漿的感覺。小丸子入口酸酸哋，細細粒容易食。
香草汁蘆笋牛柳卷$98
曾獲美食之最銀獎，選用安格斯牛柳烹調。安格斯牛柳肉質鮮嫩，配以同樣幼嫩爽脆的蘆笋，口感非常之夾。
映月樓（27220932）
地址：尖沙嘴文化中心餐廳大樓一至二樓
座位：480個
營業時間：8:00am-11:30pm
備註：窗口位大枱最低消費$3,000
TowngasAvenue國慶套餐
尖沙嘴TowngasAvenue位於新世界中心，面對無敵大海景，當晚亦會推出國慶晚餐，有龍蝦湯、波士頓龍蝦配鱈魚柳或牛柳配牛肝，相當豐富，盛惠每位$468，如此春宵一夕當然值千金（兩位連加一）。唔嫌貴，想訂枱就要快！
國慶煙花晚餐
焗釀海鮮酥盒
龍蝦濃湯
扒新鮮波士頓龍蝦配鱈魚柳伴意大利番茄乾忌廉汁
或扒牛柳伴鵝肝配牛肝菌燒汁
法式茉莉燉蛋
咖啡或茶
曲奇餅
每位$468(+10%服務費)
尖沙嘴TowngasAvenue（23672713）
地址：九龍尖沙嘴新世界中心地面L030