Soler早前舉行了首個歌迷聚會，除與歌迷玩遊戲外，歌迷亦為他們補祝生日，令Soler二子非常感動。其中有歌迷送上首辦公仔，更令他們愛不釋手，他們亦承諾會做更多好音樂，更高呼「香港樂壇有得救」。
由夏利奧（Julio）和夏健龍（Dino）兩兄弟組成的組合Soler，早前於中環舉行其首個歌迷聚會。
有求必應
席間Soler與歌迷打成一片，更舉行了一個模仿Soler比賽，各歌迷都花盡心思，拿着地拖模仿Soler彈結他，惹笑非常。而Soler亦非常細心地為歌迷調校咪高峯的高度，盡顯風度。
其後歌迷為Soler補祝生日，送上蛋糕及多份禮物，其中一份禮物是Soler的首辦模型，他們一見便十分喜歡，簡直愛不釋手。Soler為報答歌迷的支持，逐一與歌迷合照，合照期間歌迷都非常守規矩，Soler說：「其實我哋都成日同啲歌迷見面，佢哋平時有乜要求我哋都會盡量應承，已經好似朋友咁。」
非為靚仔
Soler又表示，如此快便能成立到歌迷會，感到非常開心，他們說：「如果可以多啲同歌迷聚會就好，因為我哋嘅歌迷真係鍾意我哋嘅歌，唔係因為我哋靚仔，佢哋畀我哋感覺到香港樂壇係有得救，唔係淨係得流行曲。」Soler見到歌迷如此支持他們兩兄弟，他們亦承諾做更多好的音樂讓樂迷欣賞，不會令他們失望。
採訪、攝影：胡比
