草蜢前晚與戴夢夢及側田等於將軍澳電視城演出《勁歌金曲》，草蜢的新歌《我們》成為《勁歌》金榜冠軍歌，三人出場獻唱時，蔡一傑幾乎跣腳跌低，幸他即時按着地下，然後跳起來。事後傑仔自覺執生不錯，並說：「你估我嗰二十年流㗎？我當時心諗千祈唔好影到我跌，因為嗰時我哋三個人分開企，點知個鏡頭就影晒我。」
傑仔透露日前騙蔡一智及蘇志威自己有事，二人即趕往他家，其實他親自下廚，三兄弟一同吃飯及喝酒，傑仔說：「嗰日特別開心，我重開咗支限量版鑽石香檳呀。」
夢夢感受辱
此外，戴夢夢對於被指要做二千元一個騷，她說：「我出道時接嘅騷都唔只二千啦，平均都有五位數字，我覺得有侮辱感覺，我係知名度唔高，但未接過二千蚊騷。」 採訪：馬建華
攝影：何國豪