今個禮拜六係十一黃金周，唔少內地自由行客會落嚟香港消費，中原美聯兩大代理行都會搞自由行客睇樓團，今年港置都加入搞埋一份。 聽港置董事楊彩鳳話，原因係公司收購咗深圳代理行，有內地聯繫，但初步只係諗住辦一團，人數最理想係十零人。公司除咗會安排啲客睇一手樓盤外，行程重包括參觀景點等，到夜晚至送佢哋返深圳，唔使咁趕忙。