煲呔呢輪心情好靚，見人就錫，所以各位女士如果唔想被人突襲，就千祈唔好走近佢老哥。
話說噚日工聯會舉行國慶酒會，好多人都畀足面棠哥出席，煲呔啱啱開完粵港聯席會議，就馬上趕過海去美麗華酒店，只見佢係人都寒暄幾句、握握手，但係一見到汪阿姐汪明荃，就忍唔住行個西式見面禮，錫一錫面珠。
煲呔最近公開錫嘅女子有佢太太同董太。而喺早前，飛哥同人「投訴」，煲呔有一日忽然錫咗佢個老婆一啖，以前從未試過；而周德熙太太黃英琦喺西九諮詢期，聽講都被煲呔殺個措手不及，錫咗一啖。
傳真︰2623-9278
電郵︰[email protected]