地產代理行會用唔同嘅手法，激勵員工士氣，積極開單，設立精英會，係方法之一。美聯將呢套手法，移植到澳門，只要連續三個月，個人營業額達到十萬，就可以入會，卡片會有精英會標誌，凸顯身份。 今個月成立嘅精英會，共有八個會員，全部嚟自氹仔分行，唔通呢區好世界啲？美聯澳門楊朗明透露，個別單月做到百二萬。