陳小春前晚與六位靚女模特兒拍新歌《風流》MV。提到好友張栢芝與老外男友熱戀，小春表示會祝福對方，但就不會仿效找個老外女友，因為怕對方容易出軌！
陳小春前晚在尖沙嘴拍攝新歌《風流》MV，唱片公司安排六位靚女模特兒參與拍攝。現場見小春有少許尷尬羞怯，還刻意與她們保持距離。
小春透露將於十二月推出新曲加精選唱片，會收錄四首新歌。問到《風流》是否其寫照？小春說：「咪錯囉！首歌係講風流而不快樂，人哋以為係風流，其實係好悲慘，不過呢個唔係我寫照，我冇風流過。風流係乜嘢定義？風流係好有型㗎。」當被問到與女模拍ＭＶ有點像「現代韋小寶」時，小春就說：「唔好講清朝啲嘢啦！」
自問英文唔差
最近張栢芝與老外男友熱戀，還表示想生混血兒，對此，小春說：「我未恭喜佢，未見到嘛！我會祝福佢，外籍男士同中國女士生ＢＢ都幾好，唔錯。」問他會否與外籍女士拍拖，小春就說：「唔會，但咁唔代表我英文差，Myenglishisok㗎！sometimenogood。唔一齊唔一定（因為）英文唔好，我怕外國女仔易出軌，如果緣份到就好難講。」
否認拖女夜蒲
此外，提到小春早前被指與兩位異性友人夜蒲，他否認說：「我發誓冇，點會同兩個女仔出街呀？鍾意話我七女一男都得㗎，支筆同把刀喺人哋身上。」
採訪、攝影：王連連
