林子祥（阿Lam）昨日在個唱記者會上否認與太太葉蒨文分居，對於愛妻與羽毛球教練傳緋聞，他只笑說：「我都有女教練啦！」
已有一段時間沒有開個唱的林子祥，繼年前擔任汪明荃個唱嘉賓失足跌傷後，他決定十一月重臨舊地，在紅館開騷，昨日阿Lam在半島酒店舉行記者會，宣布於十一月十七日至十九日舉行演唱會。
早前葉蒨文與羽毛球教練傳緋聞，近日再傳出阿Lam與葉蒨文的婚姻亮紅燈，甚至已經分居。
每日電話傳情
阿Lam昨日否認與葉蒨文之間出現第三者，他說：「佢下個星期都返香港，冇事。我哋日日都通電話，嗰個教練大家都識，我都有個女高爾夫球教練啦！」那麼會否因為傳聞而影響感情？阿Lam笑說：「冇影響呀！」
但阿Lam表示不會經常與葉蒨文打羽毛球，他說：「羽毛球要個身成日郁，我嫌郁得太勁，反而golf定啲。兩樣嘢都唔啱key，佢𠵱家日日都打波。」阿Lam透露葉蒨文會擔任其演唱會嘉賓，他說：「佢會睇埋燈光、聽埋音響，全部都理。」
另外，今次阿Lam和胞弟聯手設計個唱舞台，昨日阿Lam在記者會上展示如高速公路的舞台設計圖，他說：「我會搵埋成龍踩segway（隨意車），佢就會特別高速，我就慢慢哋。我重搵咗好多朋友好似汪阿姐、小鳳姐、譚詠麟、Twins同容祖兒做嘉賓。」
購買千萬保險
問阿Lam會否擔心失足意外重演？他說：「個台係我嘅，我實會好熟，咁就冇問題啦！」據知唱片公司已為阿Lam購買保險，保額達千萬元。
採訪：王連連
攝影：陳志嵐
