經紀黃前日講到大陸地產股繼續發威，重推介落後嘅上海復地（2337），隻股噚日升3.8％，收2.725元，成交股數有1148萬股，金額3090.4萬元。至於同類股如華潤置地（1109）、合生創展（754）同埋富力地產（2777）都繼續上升。
經紀黃話，其實祖國除咗地產股外，啤酒股都可以考慮，金威啤酒（124）最近股價略見回落，又到收集的時候。
金威啤自從公布終止同喜力洽談增持股權一事後，股價一度急跌，但睇番間公司，質素並唔差，而且喺廣東一帶威威亦毋庸置疑，由於公司管理同成本控制得宜，所以計劃走出廣東省以外，向中國中部及北部發展的大計亦為證券界受落，金威啤喺8月份公布業績，盈利8061萬港元，增長15.1%，證券界預計明年增長持續。
金威啤早前由高位2.925元，下跌至近期的2.65元，接近上次公布終止與喜力洽談售股時的低位，以往績PE計，亦較同類股青島啤酒（168）為低，假若再有收購或合併消息傳出，隨時又有得炒。
慕容小初